Wia dis foto come from, Reuters
Now wey Russian invasion don begin, how difficult e go be for Ukraine to defend demsef?
Vladimir Putin don significantly invest in Russian armed forces and dia modernization.
Wit dis reality Ukraine no go fit stand Russia in terms of numbers and weapons.
President of Ukraine say Russia want to destroy Ukraine politically by removing him.
Volodymyr Zelinsky say 137 civilians - including soldiers and civilians - die on Thursday
Di Ukrainian President leader bin speak to im pipo on television from his office inside Kiev.
Russian President Vladimir Putin don defend im move, saying e no get oda way to defend Russia.
But US President Joe Biden say Putin aggression go come at a heavy cost to Russia.
Wia dis foto come from, Office of di President of Ukraine
Wearing military uniforms during im speech, Zelinsky accuse European leaders of not doing enough to slow down Russia's progress.
"After World War II, una tok say never again, but hia e don happun again and una no do enough to respond," im tok.
Di Ukrainian president say if European leaders act quickly, it no too late to stop Russia "aggression."
Pipo dey japa comot di capital, Kiev, and form oda parts of di eastern European kontri.
And according to the United Nations, about 100,000 people don run comot dia domot so far.
"I think di Ukrainians dey in a very difficult position," na so Dr. Jack Watling of Royal United Service Institute tok.
Watling just return from Ukraine and say im konti military leaders dey now face "very difficult choices".
Western officials estimate say Russia get 190,000 troops on di Ukrainian border.
Dat be far more than di total regular Ukrainian army of 125,600.
Russian forces don already cross di border enta from several directions.
E go dey difficult for Ukraine to defend thousands of kilometers of di borders - from Belarus for di north to Crimea in di south.
If you look at Ukraine as a clock face, di Russians fit attack from 10 to 7 o'clock.
"Dis na a very difficult situation for someone wey be a defender."
Na so Ben Barry of International Institute for Strategic Studies (IOSS) and a former British brigadier general tok.
Jack Watling add say Ukraine dey face threat from various directions, and dia soldiers forces dey "thinly distributed."
You fit also read:
Wia dis foto come from, Getty Images
Now new reports of explosions dey for di city of Mariupol with a population of half a million.
Di Russians don take control of di Chernobyl complex, formerly a nuclear power plant and di place wia di worst nuclear accident bin happun for World war II.
Russian air superiority
But di real difference between Russian and Ukrainian forces dey in di sky.
Mr Watling say Ukraine get 105 at di border, compared to 300 Russian warplanes.
E predict say di Russians go "gain air superiority very quickly."
Russia advance air defense systems, such as di S-400 missiles, dem dey superior to those of di Ukrainian forces.
Differently, Ukraine get an older and more limited air defense.
Mr. Watling dey cite Israel as an example wey fit defend demsef in many ways.
But e add say Israel don dey able to do so only because of dia superiority in di sky.
Dis na something wey Ukraine no get at all.
Ben Berry say Moscow don share dia own version wit air artillery, missiles and long-range missiles.
Dis go allow di Russians to remotely attack Ukraine command and control centers, ammunition depots, air force and air defense.
Dis be like say Russia don already begin wit cruise missile strikes on targets near di capital, Kiev.
Mr Watling say di Russians get a very important war chest of modern weapons and capabilities to which Ukraine no get answer.
Dis na like Alexander cruise systems and ballistic missiles.
Ukraine don recently receive arms supplies from United States and Britain.
But these be mostly short-range air-to-air missiles and anti-tank weapons.
In short, Russia dey superior to Ukraine in both weapons and range.
With Russia air superiority and long-range weapons, di danger to Ukrainian forces be say dem go soon dey grounded.
Mr Watling believe say di ability of Ukrainian forces to plot and shift position to counter Russia advance fit dey prevented in any oda way.
Many of Ukraine best-trained and well-equipped units dey inside di east of di kontri.
Dis position dey near di Luhansk and Donetsk checkpoints - wia clashes don dey since 2014.
Western intelligence officials don tell do BBC say e get a clear concern say Russia go surround dem.
However, Ukrainian armed forces dey better trained and better equipped than wen Russia bin burst enta alias invade Crimea.
Mr Barry say units and troops have gaine useful experience from fighting Russian-backed separatists for east of di kontri.
But e add say dem don dey more involved in linear rocket warfare.
And di requirements for a "maneuver war" go dey much more difficult.
Russian forces dey able to move quickly with rockets, missiles and mobile air defense.
Russian troops don also dey dismembered since di invasion of Crimea and Syria.
Battle for di cities
If war break out inside Ukrainian cities, Ukrainian forces fit get a chance.
A ready-made defender fit make di urban battle difficult and bloody for any attacker.
Na so dem bin see am for Stalingrad during World War II and most recently in Mosul in Iraq.
Wia dis foto come from, Anadolu Agency via Getty Images
Ben Berry believe say Russian forces fit initially try to bypass di cities.
But im believe say e dey highly unlikely say di Russians go dey able to avoid a civil war, at least inside Kiev, given di town political significance.
Jack Watling say if Ukraine fit defend dia cities properly, dem fit dey able to resist for a long time.
British-made anti-tank light weapons [also known as di NLAW] fit dey used during close-range combat.
Wit dis pattern, Ukrainian forces fit move using building cover.
One unspecified number of civilians fit also dey able to take up arms.
Russia no fit rely only on air strikes and artillery to control cities.
But Mr Watling say Russia already get agents on di for di battle ground.
" Russia go also try to enta cities and use long-range artillery to target small resistance groups, and then try to use agents and special forces to "kill civil society leaders."
Wia dis foto come from, Reuters
Ukraine dey now fight for dia survival
Di east European kontri [Ukraine] don dey at war with Russian-backed forces in di east for di past eight years.
But now di whole kontri dey under threat.
Kyiv endure anoda morning of sustained attacks by Friday as Russian forces advance on the Ukrainian capital.
Some fighting don dey reported within di city despite attempts by di Ukrainian military to slow di advance of Russian tanks by destroying infrastructure.
"Di country dey determined to survive, but dem also acknowledge say dem get a strong opponent and di battle go dey very bloody,"
Na wetin Mr Watling, who recently returne from a trip to Ukraine tok.
Ukraine neighbours dey prepare for a big arrival of refugees.
Cause of Russia and Ukraine war - Wetin Putin want?
For months now, Russia Vladimir Putin bin dey deny plan to attack Ukraine, but on Thursday e announce a "special military operation" for di kontri Donbas region.
Di announcement on live television bin dey followed by reports of explosions for Ukraine capital Kyiv as well as oda parts of di kontri.
Mr Putin latest actions dey come days afta e bone peace deal and order troops inside two eastern regions wey rebels dey hold, for im own words to "maintain peace".
Russia don deploy at least 200,000 troops near Ukraine borders in recent months, and fears dey say di latest move mark di first step of a new invasion.
Russia for a long time don stand against Ukraine move towards European institutions, both Nato and di EU.
Now, Mr Putin dey claim say Ukraine na toy of di West and no ever be proper state anyway.
E dey demand guarantees from di West and Ukraine say dem no go join Nato, one defensive alliance of 30 konties, and say Ukraine go demilitarise and become a neutral state.
As a former Soviet republic Ukraine get deep social and cultural ties with Russia, and dem dey speak well-well dia, but ever since Russia invade for 2014 those relations don get K-Leg.
Russia attacke Ukraine wen dem comot di pro-Russian president for early 2014. Di war for di east don claim more dan 14,000 lives since den.
Wen Russia invade Ukraine for 2014, rebels wey get President Putin support seize big areas of di east and dem don dey dig am out wit Ukraine army ever since.
One international Minsk peace accord happun but di gbege still continue and so Russia leader say e dey send in troops to di two areas wey di rebels dey hold.
UN Secretary-General don reject Russia use of di word peacekeepers.
Di West believe say Moscow dey plan new invasion of Ukraine, a kontri of 44 million pipo wit border wit both Russia and di European Union.
President Putin don warn say Ukraine go dey responsible for further bloodshed if dem no stop di attack on di east.
"fit" - Google News
February 26, 2022 at 12:03AM
https://ift.tt/uiM5DgX
Ukraine under Russia invasion: Ukraine fit defend demsef against Russia provocation? - BBC News
"fit" - Google News
https://ift.tt/2UAfXhL
https://ift.tt/izNsZQS
Bagikan Berita Ini
0 Response to "Ukraine under Russia invasion: Ukraine fit defend demsef against Russia provocation? - BBC News"
Post a Comment